Bollywood ki Jai!!

Since I am so passionate about Bollywood, one of my colleagues asked me my favourite dialogue from a Bollywood movie. Actually I can’t single out any one, I love loads of them. Well I don’t like “Main tera khoon pee jaunga”  types. I like more from the newer movies, something powerful, yet something which you can relate to. :)

DDLJ

Raj (to Simran) : Bade bade desho me aisi chhoti chhoti baatein hori rehti hai!

Jab We Met

Station Master : Akeli ladki khuli hui tijori ki tarah hoti hai .. blah blah..

Geet : Excuse me,  ye jo aap keh rahe hai iske paise charge karte hai ya ye muft ka gyaan hai?

Station Master : Ye to bas aise hi..

Geet : Achha hai, kyunki chiller nahi hai mere paas

Lakshya

Karan (repeats Romi’s Dad’s lines in front of his father) : Tum kuch bhi karo, achhe se karo. Chahe ghaas kaatne wala bano, magar achha ghhas kato, warna kya fayda?

Main aisa sochta hu!

Karan’s Dad : Sahi sochte ho

Rang de Basanti

Ajay : Koi bhi desh perfect nahi hota.. use perfect banana padta hai..

Dil Chahta hai

Aakash : Perfection to improve karna mushkil hai

Hum Tum

Kabhi 1 hi mulakaat kafi hoti hai, aur kabhi bahut si mulaakaatein lag jati hai

Jab We Met

Aditya : Tum apne aapko bahut pasand karti ho na?

Geet : Bahut.. main meri favourite hu (I have used this a couple of times :P )

Swades

Mohan: Main nahi manta ke hamara desh duniya ka sabse mahan desh hai.. magar hum me kabiliyat hai is duniya ke sabse mahan desho me se 1 ban ne ki.. ye dono desh har pehloo me, har roop me, ek dusre se kafi alag hai.. shayad mujhe kehna nahi chaiye magar aapne baat cheedi hai isiliye main keh raha hu.. jab bhi hum muqable me dabne lagte to hum ek hi cheez ka sahara lete hai.. sanskaar, parampara.. Amarica ne apne balbute par taraki ki hai aur unke apne sanskaar aur apni parampara hai.. ab ye kehna ke unke soch vichaar, unka rehan sahan kharab hai aur hamara mahaan.. ye galat hai..

Mohabbatein

Ye mohabbat bhi zindagi ki tarah hoti hai, har mod aasan nahi hota, har mod par khushi nai milti, par jab hum zindagi ka sath nahi chhodte to mohabbat ka kyun chhode

Jab We Met

Anshuman : Kyun dekhu main ganne ke khet? Aisi kya khaas baat hai ganne ke khet me? Nahi dekhne mujhe ganne ke khet

Aditya : Mat dekho yaar.. mana kar do.. (ROFL)

Swades

Mohan’s boss (after Mohan resigns) : Mohan, do you realize you could have gone places

Mohan : I am going places!

Lage Raho Munnabhai

Shaher ki is daud me daud ke karna kya hai ?

Agar yehi jeena hai doston... toh phir marna kya hai?

Paheli barish me train late hone ki fikr hai.
Bhul gaye, bhigte hue tahelna kya hai?
 

Serials ke kirdaaro ka saara haal hai malum.
par maa ka haal puchhne ki fursat kahan hai?
 

Ab ret pe nange pao tahelte kyu nahi?
108 hai channel... par dil bahelte kyu nahi?
 

Internet ki duniya ke toh touch me hai,
lekin pados me kon raheta hai... jaante tak nahi.
 

Mobile, Landline sab ki bharmaar hai,
Lekin jigri dost tak pahuche... aise taar kaha hai?
 

Kab dubte hue suraj ko dekha tha... yaad hai?
Kab jaana tha shaam ka guzarna kya hai?
 

Toh doston, Shaher ki es daud me daud ke karna kya hai ?
Jab yahi jeena hai to phir Marna kya hai?

- Jhanvi ( youtube link here)

At this moment only the above ones are coming to my mind.. I am sure there are more, but I am not able to recall them :(  

So what’s your list of favourite Hindi dialogues!!